ARTISTE & TV PORN STAR

This is really the season for sex in Kingston city, it come in like every corner you turn somebody a tek off dem clothes or a get jolly wid the lolly, yesterday mi look pon 876 and see anodda one of those girls weh a try get a 'HEAD' in life a do strip show bwoy it must be something in the milk or candy weh dem a eat and drink.  Mr. Artiste deh how you a bun fish and seh yuh a bad man and dem ketch yuh wid yuh h**d inna yuh hand pon picture stand, it nuh look good at all.

DEVA BRAT HEADS TO COURT

By now everybody a wonder if  a obeah dem obeah Deva brat mek him cyaah get nuh bail cause, we see big man a feel up likkle pickney and a buss case, so why di deejay cyaah get bail. Him suppose to go back a court on the 21st of July so mek we see if him ago get free up or continue to sing Jah Cure song 'behind these prison wall' Oh a jail him deh nuh.

BEENIE vs MAVADO

Everybody wants to know if Beenie Man really book Mavado for him 'Beenie Sizzle' show, dem send a list seh Mavado was one of the confirmed acts, but mi hear mi Julian ah seh him nuh know bout dat, so a who a lie, cause why Khool dem woulda send out list wid the deejay name if him nuh book. But a nuh dat mi wah know wah Killa haffi seh bout all this 'anybody can guess a which song Killa a sing now ...mek mi give oonu a hint,  "Man a badman ... woooiiiieeeeeeeeee"

FOOTBALLER or ROBBER

A wah dis mi a hear seh one famous football involve inna some robbery thing and just get bail, ah so things bad mi sure Capo pay dem good money, some man need fi know if a footballer dem want to be or badman as Beenie Man woulda seh bwoy "understand yuh p***ycl**t self."