Portmore Suss

From Left: D'Angel, Courtney John, Stacious and Nesbeth

Portmore, dem a sprinkle dem iniquity, and dem a write mi name pon parchment paper, but dem caan stop me. Right now, mi say Sharlene Suss to the world and people haffi just see mi a prosper and love it up. Suh if unno nuh si or here from me in a long while, memba mi gone pon a global tour on greena pasture. SUSS Time!

'GULLYSIDE' A RUN HOT

What a way Cassava Piece a run hot - six dead inna four day. Yu nuh hear wah I-Octane say, tink oonu see no *la*hd ah run yet? The police dem a work mucky, the man dem who kill the two yute ah Constant Spring Road run up inna some police and dem done dem same time. Retribution that name. Nuff people surprise, especially about the one who did have on the wig. Dem did have him as jokify yute, but him no skin teeth when it come fi mek skin burn. People, why the war caan done?

ONE THIRD SHOT BACK

A tell unno sey dem youth yah hard. Mi sey dem ansa X-ALE song and it ago hard. Di bowy Miguel a big DJ, bout him bad from him clothes to socks. X-ALE a wonda wat unno goin to sey nex. Mek wi si who badda dan who. People, a need unno fi follow dis yah one yah and help mi choose.

NESBETH GETS A NEW IMAGE

Mi hear say Nesbeth ah get himself new image and ting. The man start give them the European dressing now with square-toe shoes and pro-fessional locks inna hair and ting, real star ting. The man song Guns Out a get crazy airplay pon ZIP and Hitz, and mi hear say a natural play. Arnett Gardens love wah a gwaan. Plus, mi hear say big European tour inna the making. Big up Tameka, and Jeffrey; Free People Enter-tainment to the universe. Flava, yu large.

D'ANGEL AND HER FOUR FRIENDS

Why more artistes never come ah D'Angel and Friends? Is a sabotage ting or what? Only Aisha, LUST, I-Octane and Delly Ranks. No Macka, no Lady G, no CéCile, no Spice; no man, something wrong. The artiste dem no rate her, no Empire, no Alliance, no one from Shocking Vibes; her corner dark fi true. Just D'Angel and her 25 fans dem inna the big club and everybody else ah dying fi it dun so dem can really get down to party.

REGGAE ACADEMY FASION FOUL-UPS

Portmore, how dem say is a high-class event and mi see man a sell peanut inna the venue? That coulda never happen at the foreign Grammys, but still, the show never too bad. Mi haffi big up Josef Bogdanovich who produce the show and Stanbury fi a good job. The fashions were just OK. People say Macka never hot but to me, she mek it. She know about ghetto chic, because the full gold outfit mad, hairstyle sell off proper, even Marcia Griffiths haffi come over to her and big her up. But mi agree say D'Angel never bring her A game, her fashion-icon title in jeopardy. Ifrica never too bad inna the red balloon dress and was one of the best dressed at the awards. Professor Carolyn Cooper looked frumpy in that brown outfit complete with a ghastly brown hat with frills. Toots Hibbert, mi love the pimp suit, the man inna one wicked royal purple suit that belong at the annual Pimp of the Year awards inna LA. Memba mi tell yu.

FLARE STEPS OUT

What a way Flare, aka Lexi, ah step out and do her own thing. She have her own Mega Top Ten Countdown and she a broadcast it pon Youtube. Nobody caan tell her say she nuh have her owna station. How dem a go stop her now.

STACIOUS TO THE WORLD

Portmore love how Stacious ah step out pon dem fi 2008. Her new video, Falling Down on John John's Shoot Out riddim, ah shot hard. Ah Jay Wil direct it and a crazy Range Rover inna it, and even the gangster for life deejay Mavado mek a special cameo appearance inna the video. Doc Mac Entertainment the ting de right now. But the whole world waan know when yu a go clash Macka Diamond, ah that Portmore waan see, memba.

RISE OF LIL LION

What a way Lil Lion gwaan like him a big man. Everybody say him a 12 going on 30 the way him act, and worse now, him song, Age Is Just a Number, wid Barbee, look like it ah tek off inna New York. Him get show at Amazura the other day and dem want him back. Jimmy, yu large! When yu plan fi shoot the video? Mel-Shar Entertainment to the world!

RAFFLE UP AND PICK

Ja Du from Star girls, how yu have so much babyfather? But the one from Naggo Head say anno him, the one from Braeton say anno him. What a calamity! Look like yu need fi go pon Maury fi run a DNA.

FLAMZE PLANNING BIG THINGS

What is this mi ah hear from the grapevine? DJ Flamze, when we get the scoop, we nah go ramp fi spill the coffee. Mi love how yu show a gwaan wicked and the new hairstyle a cramp dem. An nuh stop rinse di X-ALE. Jus wait till yuh get di One Thrid fi put wit it.

COURTNEY JOHN FOR SYMPHONY SHOW

What a way the singer step inna the big leagues with a spot on the second staging of Symphony Under the Stars on March 15th. Fi a garrison man, the man fashion sense impeccable, him song dem a sell, him album de number twice behind Shaggy on the album charts, Baby Tonight ah play hard ah New York. Look out for him at the Village on March 25th and is also a headliner on Portland Splash on March 29th.

QUESTION TIME

Earthworm, the whole ah Montego Bay waan know when yu a go drop the video for She's My Baby?

How D'Angel and Delly Ranks get back so close? The man support her when Bounty drop har, and now again when Beenie drop har. Him write her hit song dem. What a wonderful friendship! What yu tink, Portmore?

Was Emily Crooks flirting with Vybz Kartel during Impact this week?

SHOUT-OUTS

Big up mi family Nigel Anthony who celebrates his birthday today inna Florida. Big up Melissa who is a part of the Caribbean Night of festivities at Lillian's Restaurant on the UTECH Campus. The Series will come to an end on March 28 with French Night. Big up NEERG Music that ah put out the big bad Premiere riddim next week. Big up Mumma Latty who ah perform wid the Magnum Girls at Follow Di Arrow. Special big up to Yard a Love and Teflon family, the Tads album ah go shot.