GOOD OLD JAMAICAN DAYS....
Memba wen you do all you homework at school so dat as yuh reach
home you ramp so til you hear smadddy shout out "yuh madda a ccooooommme!"
and yuh dash inna yuh house and change yuh school uniform as yuh would
surely get a beaten fi inna yuh uniform at 6pm.


Memba wen kick poopah lick and bu'st out you pants and you get
beaten
Memba 10 cent bulla and jackass corn.
Memba when you turn on the tv at 4pm and wait till JBC sign on at
5pm, stand at attention sing the national anthem, and den sit back and watch
some cartoon. And dont figet di Big Bwoy story whey you did haffi hide and
tell.
MEMBA WEN!!!
Memba wen yu a come fram school and stop fi pick Mass John cherry
off 'im cherry tree and dawg run yu dung.
Memba wen yu madda sen yu fi tek the clothes fram affa di line but
yu wait til night den yu fraid fi go by yuself.
Memba wen yu fraid fi go a shop by yuself a night because Miss
Matty jus' dead and yu tink yu might si har duppy.
Memba wen yu and yu fren dem decide seh unu a go run a boat,
the biggest cart wheel dumplin yu eva si!
Memba wen coming fram school ina di rain and yu tek off yu shoes and
walk barefoot all the way home a race board horse inna di gutter water.
Memba wen dem use fi gi weh free milk powder and bulga rice a
school, an' yu play milk powder war all the way home.
Memba wen dem good rice and peas and chicken Sunday dinna with a
nice refreshing glass a carrot juice.
Memba wen yu 'ave roast breadfruit and ackee and salt fish
breakfast jus' barely a day afta yu Saturday Peas soup wid cho-cho, turnip,
carrot an'punkin.
Memba wen teacha beat yu because yu neva do yu homework.
Memba marning time wen yu reach a school jus in time fi devotion and
yu betta mek sure yu ave yu hym book and yu bible, yu pleat dem betta in
order and yu khaki well starch.
Memba dem good ole starch uniform ( coudda stan up by demself ) and
yu nice shine brown or black shoes.
Memba when yu madda use fi seh "Go pick a switch mek a beat yu".
Memba Christmas time wen everybody a mek a suit fi gran market
night, mama stay up a bake cake, draw sorrell, cook curry goat, don't figet
the case a D&G soda and red stripe beer weh unda the bed.
Memba when a ginnep seed fly dung yu throat and smaddy 'ave fi lick
yu back fi mek it fly back up.
Memba when yu swallow chewing gum & dem seh yu ago ded cause it ago
tie up yu tripe

Memba a come fram school and stap fi get the last piece a Miss
Brown toeto and a sky juice.
Memba dem seh nuh buy nuh sky juice fram Mr. Tom because 'im ave
sore foot.
Memba when dem seh nuh buy bun & cheeze from juicie cause him use di
knife cut & clean him toenail.
Memba saving part a lunch money fi buy ice cream fram creamy weh
come pan Sunday.
Memba a fling stone fi lick dung ginnep and the stone bus yu bredda
head.
Memba the peanut man...the jackfruit lady...the orange man... the
sarda-pan man
Memba a play marble wid yu bredren dem.
Memba a go a bush wid yu fadda.
Memba a go undaneat the cellar fi the fowl egg

Memba a jump rope wid yu fren dem....One two Beeny...lick im mek im
feel eh, mek im know yu mean eh, yu mean eh, yu mean eh.
Memba playing "Miss Mary Mack Mack Mack, All Dressed In Black Black
Black "
Memba a kick foot ball wid yu fren dem roun' a ball grong
Memba when Cristmus come and we watch JohnCunu jump up and down and
we get fraid?
Memba yu madda sen yu go a shop and yu sing the list all the way
deh "one pint milk, one bread, 1 lb a flour. But wen yu reach deh, yu tell
the shop keeper yu want "1 pint of bread, 1 lb of milk & a flour.
Memba when yu last yu madda money and yu fraid fi go back home
because she might beat yu.
Memba settin up the roosta dem fi fight
Memba all dem good duppy story, and nancy story wi 'ear growing up.
Memba how yu use to fraid fi walk a night cause yu tink sey
black-heart-man wodda tek yu weh.
Memba when bokkle cut yu foot bottam dung a gully.
Memba when yu use to stone Missa Smith mango tree dem, and we use to
tink seh him have gun.
Memba when yu left all day and go a rivva an go cook and when yu
come home yu get a beaten.
Memba when yu unifarm get dirty Monday marning, and Yu madda beat yu
ina di evening.
IF YU MEMBA ANY OF THIS, YU OLD TO RAHTID!!