One876 people, mi rich and mi happy, weh some gal feel like? Which gal ah get trick fi a Go large double cheeseburger and a Hershey Pie, no bwoy caan trick me and hook  me fi no small change, mi ah no careless gal, mi tings tight so till all ah hurt me more time. Mi a REAL hot gal, when mi too stressed, mi no drink Appleton and Pepsi, mi head to the spa uptown fi sort out mi ting. So how some ah dem gal gwaan like dem hot and inna dem house empty? HEH HEH! New York, Europe, Canada, Spanish Town, Portmore, Miami, no get mi started wid some ah dem dutty people inna the country, yu nuh!

As a matter of fact, mi nah waste no more time because mi haffi pack fi go Mobay fi the Air Jamaica Jazz and Blues. Mi ready fi sieve out dem business fi the public consumption, and all these things. Right?  
See it deh!

Beenie Man and Barbee for Trinidad Carnival
How Beenie Man neva call up Barbee fi perform wid him at Club Amazura over the weekend? Anyway, mi know say she ah go touch the stage at the Trinidad Carnival wid Beenie next week. First, Beenie will head to Antigua to participate in the entertainment activities around the 20/20 tournament, then jet off to Barbados to attend a local awards show, before heading off to Trinidad for the carnival. Mad tings. See it deh, ah just him and Barbee straight.

KARTEL DOES REMIX WITH NATASJA?
Big up the Danish singer Natasja. She get the breakthrough, too bad she nu de bout fi cash in on Calabria 2007" by the Danish producer Enur (Rune Reilly Kolsch). Dem rename it Calabria 2008" and the song lock the number 60 on the Billboard Hot 100 last week, and is getting excellent support on the mainstream and rhythmic top 40, dance and Latin radio. "Calabria" is currently the number one song on Billboard Dance Music Airplay chart. Mi hear say Vybz Kartel has also done a remix with the dead singer and it mad! But ah only one time mi hear it, mi no know if it official or nothing.

MR. G FISH FRY THIS WEEK
People, yu nuh hear say Mr. G ah keep Fish Fry every Friday now. Support it, but I will not be here this weekend. MONTEGO BAY, ah dat mi say! Room service! Pampering! Diana Ross, Anita Baker and all these things.