From Left: Bounty Killer, Vybz Kartel, Harry Toddler, Shane-O, Danielle.

Portmore, some people caan sleep Friday night because dem know say Saturday morning dem business de outta road. SUSS Time!!!

BOUNTY AND TODDLA RUN IN

"Doan run in when yu see the Gadd dem come in." Ah dat Toddler say. But wah dis mi hear say the Grung Gadd and the Blonde Gadd kick off wicked and pure tings gwaan? Mi hear say is like a Kartel special the Blonde Gadd get, but still, if ah so it go, the Killa outa order. How him fi waan deal wid the man like is him pickney? Maybe ah true Ninja say him neva bruk a war yet and that him ah the cowardest ting ah walk pon two legs, mek him waa prove now. Him just shame seh wen him sen fi di man, di man no come, so him go hype. It betta him put all that energy into finding a hit tune.

MADE IN AMERICA BABY GIANT

I never know sey dis chick is in her late teens. Ah was shock outta dis worl' wen mi a read di story mi affi ask if di is a baby gaint. Ah know yuh live in a one fuss worl' country, but yuh a age rapidly. A suggest yuh get some 'oil of delay' not olay dat naah guh help. Yuh need fi delay yuh aging process, 'cause wen yuh get in di mid 30s yuh goin to look 50s honestly. And a nuh mi alone sey suh, cuz people nuh stop ask if mi neva know and how mi neva know. Baby giant is not all yuh mus' reveal in interview. Ask couple American if yuh nuh believe.

SHANE O REUNITES WITH SNO CONE

Shane-O has reunited with his musical father, Rohan 'Sno Cone' Fuller, and it come in like the hits dem are about to flow again. Fuller and Shane O did kick off a few months ago, but dem mek the link back and now that the man back inna the island, ah full steam ahead. Shane O new song Crab Inna Barrel connect wid the people dem, so this ah go mek him stronger.

A SPICE-Y WAR

Portmore neva need cable earlier inna the week when dem get a free show from the Spice Girls dem inna Braeton. One big piece ah war bruk out inna the scheme, one girl all get half naked 'cause she no war inna clothes, and taxi man slow down and ah block traffic ah tek in the free show pon the roadside. The way mi hear it, is like the Spice girls and a next set of Gully Bank girls ah war, and dem have pure bottle and stone ah visit dem one another wid it. Inna the first part, ambush gwaan, and then inna the sequel, revenge tek and the Gully Bank girls dem haffi run like dem hear news. Portmore, why can't we all just get along?

EME AWARDS TO HIT SOON

The annual Excellence in Music and Entertainment awards ah drop inna February and dem have some new categories like Ringtone Artiste of the Year, Reggae Role model of the year. Who ah go win the deejay of the year this year? Beenie Man, Mavado or Kartel? Who can go 'round Queen Ifrika fi female deejay of the year? Big up Richie B and the whole entourage.

CAN I-MAROON DO IT AGAIN?

The man with the most unlikely hit fi the year, Mi Salt, mash up East Fest wid the song last week, but people ah wonder when him a come wid the next hit song.

KARTEL DOES BEAT IT REMIX WITH DANIELLE

How Kartel love do the combination dem wid the hot browning dem inna the business so? Mi hear say the man do a song wid Danielle this week wid producer Kareem and the streets dem say it sell off. Danielle and Kartel ah deejay twice line by twice line, 'Teacha' and student ting, with crazy Vybz Rum references inna it. So sick! Right now, dem nah itch pon the plans fi shoot the video by the end of January.

NUFFY THREATENED?

The streets dem a say Nuffy ah get death threat, but nobody nuh know where it ah come from. We just glad say the shotter who get the contract decide fi spare the emcee life. We no like how the business ah get so violent, fi real.

SCARE DEM REUNION AH GO HARD

The people dem a work with the dancer Chi Ching Ching. Dem a feel him new slang dem, the other day, the man mash up Harry Toddler video shoot wid him blinging grill. Every time the man flash the smile, the crowd bawl out chi-ching! Harry Toddler video shoot sell off, Mad Michelle was there, Elephant Man, Nitty Kutchie, and even Boom Dandimite come in from foreign and ting fi the video. The director Mr. B dress inna full white fi the occasion. Ah sick ting gwaan up a Rebel T the other night.

QUESTION TIME

How Nicky Vassel a guh suh hard? Yuh nuh si yuh a mash up di man dem head. Everybody want a piece. Delano Lennox sey a him 'ave di key.

How Jr. Pow babymother Keisha look suh good. Mi fren, a now dem a guh want yuh up. Armani, nuff love to yuh.

Portmore, wah the man say? No chat, no pree, no extortion, no talk, no nutten. When dem a go release the man?

Who the people dem well waan see ah Rebel Salute this year more? Queen Ifrika or Ini Kamoze? It ah go mad! The show sell off!

How the artiste dem inna the business ah tek the badness ting so far?

Ah true say Jeffrey Hype use a Vybz Rum bottle and knock out a man at Bembe?

When will Damian Marley tie the knot? Mi see the fiancée is a big part of the family, so mi nuh know.

My New Year's resolution is to go more oldies show. Doan the show with Beres did nice the other day? A Moment in Time, sell off for sure.

How Bembe say dem ban Kartel, yet dem play so much of him tune dem a Orientation the other night?

How Father Dozer ah roll so hard? Big up the hot girls like Wendy and Carleen who are here from Miami. Crazy champ-rain.

How Timmy Burrell ah gwaan so good, the song 'Children Crying' nuh stop play pon Links and Vibes FM outta west?

Big up Shantel Spice who celebrate her birthday Friday and Vybz Kartel party wey ago keep a Club Amnesia tonight