But dat no factual Pengo all a dat a killa say it, me watch da dvd deh to, me no hear nobody second it an say a tru, but me deh a sting wen killa run leff kartel an drive outta d venue inna him land cruiser wen him an ninja did a fight, so me can second dat. But Killa is a musician still, and a very established one so him hav a certain level of repect inna d bizniz no matter what, an him deh roun long so him must kno couple gangsta an man nah go diss him so easily, but d difference wid kartel is dat him ano musician him a bad man wah do music, him luv it dat a fi him aim in life, him probably luv badness more than music.

Killa bring Kartel fi real an nobody caah go round dat, but it wasnt a one way ting, Kartel did a do nuff fi killa to, interms of providing hits fi killa, real hits dat was of Killa lyrical stature, killa standards never drop wen kartel did roun him, mi hear one an two killa ya now wa ano da killa deh mi kno, Cuz mi rate killa inno, mi rate killa dung to di grung wa him walk pon,no man cah say dem kno bout music an no rate certain artists thru die hearted ness. but a jus say beenie a my artist from ever since for ever will be. Wen kartel deh inna alliance mi did still rate him, mi rate every artist inna alliance busy, Killa, Bling Dawg, and to a lesser extent mavado, him ano really my type a artiste still, but him do some rhaatid tune wa u affi rate a jus deh so it deh, No man pon dis earth can talk to Kartel wen it come on to lyrics. And Beenie and Bounty hav d most hits inna dancehall history. An me woulda giv Beenie d egde bcuz him manage fi stay pon top wid Killa pon d local scene, an him still tek it to d nexx level pon d international scene.

-- Edited by Casino at 21:56, 2008-01-03

hey a dats y me affi rate Casino innuh....u a de only man pon mediazone me see talk some sense de rest a dem Mouth full a fukry...anyways.. kartel a real badman but him naw fi a behave suh fi prove it him will lose him life to some coward...all de one jigsy a informer bout tha "poice will deal with that" bembe a de least fi get ban from and kartel tune must play u want portmore ppl bomb down dat lol lol...DEM A p*u**y PON DE BATTLEFIELD,EMPIRE!!!!!!!!!

cool nuh , but mi find some a di other man dem cool fi reason wid to pon a levels, but a man ago always try defend fi dem artiste, a jus so it go, but some times justrice fi just speak, even though sometimes all me try go roun speaking justice, but everyman do it, big up uself crackaz, an u dun kno, stainless, Glitch, Caloss, Lost, Crazy. Dj Rohan, Pengolliance,lol, nexx, samacon an all a mi mediazone ladies an real tugz dem, MZJA TO D WORLD SAME WAY.

Beenie a di King

caah watch how di ting go kartel did do a lil ting weh mi never rate and crackaz a defend him and inna di same time start diss me and fi talk yuh the true Casino mi a badman mi nuh tek diss and di yute dem around my way kinda vex wid the tune weh him put a diss me and the clans man dem but just true a artist mi a tell the man dem seh nuttin nah go gwaan but just ago mek one a mi dog dem eat him food yuh soon hear the song...lol crackaz feel seh mi a disrespect him but pon the real side mi just a seh kartel a gwaan wid too much stupidness for the other day look pon it big don like bulbie get kill and mi sure know seh kartel links neva heavy like bulbie cos a mi unlce so mi know weh dem man deh up and see it deh him dead so kartel fi see seh him nuh mek outta steel mi rate kartel cos if a man ago look pon a next man a seh kartel nuh good lyrically dem just bias cos everybody see how him staywhen it come on to music but him fi stop the proving ting mi just nuh rate the yute personality

Kartel a badman by nature, him fi behave himself as to wa di man dem a say, wid nuff likkle tings, cauz a him say no man no badda dan gunshot, an no skin no too tuff fi bleed, as mi say Willy Haggart drop out,like wise bulbie an nuff heavy man, but at the same time we only know bout d industry side to d story, addi must kno why him do wah him do, an jigsy must know y him mek d talk wah him did mek a so mi see it. at d dend of the day every man know d ultimate consequences of dem actions. but me see wah u a say still Spyda, no say nuttin,bless up uself, everyting gud, u an crackaz jus try sort out dat still an keep it musical.

-- Edited by Casino at 23:39, 2008-01-03

real talk that still mi yute nuh watch nuttin!!!!!

mi know say even if dem ban him in flesh, him tunes ago play at some point, him tune dem too hard fi go roun, dem might can do dat fi a week or two till d patrons get fed up

YOW PENGO SUMMAN jus naa go get it..............dem jus bias ..all wen dem artist wrong dem stil gi dem right..........mi no kno katel as nuh badman.....mi kno ppl weh did liv sida katel a POTMORE an dem kno kno katel as nuh badman dem kno him as a yute weh sale weed an ting......him hav badman man image.......... .from him bus him buy up opaa gun an a wlak roun an a tal;k bout him a dan...........wa katel eva do fi prove seh him a dan.........like how him dis vado,sasin,spraga,jigsy.............y him nuh try dat wid bounty............a dat me waa kno.............sum man a emphasize seh katel a badman an katel neva do nutin fi prove him status as a bad man..........an killa dis him an him caa dis killa