YES MISSA MANIGAH !!!

Yuh have some manijah who waan fi talk to yuh any an any way, tell yuh any an any ting and at the same time yuh must respect and revere them and kiss out dem colon so that they can feel superior. A which sanky can sing so?! Nuff a dem pretend like dem did born inna lap a luxury and born wid gold spoon inna dem mout! To how some a dem lie and shame a di humble beginnings weh dem a come from, dem put on accent and create a façade to mask their true identity! Nuff a dem a gwaan like dem grow wid c**t napkin and helpa and figet seh a through education some a dem attain dem position. Yuh have a next set who gain dem position because of their ability to be in acrobatic positions and nothing else. Some are so self-absorbed they think of themselves as mini-gods.

humbliest calf

But my granny seh the humbliest calf suck di most milk and di bible tell yuh seh he who humbleth himself shall be exhaulted and he who exaulteth himself shall be abased. Nuff a dem if a neva fi dem support staff they wouldn't have a job and nuff a dem only hold the position but have no clue as to how the responsibilites are fulfilled. All some a dem good fah is fi delegate!

Some a dem believe seh because dem a manijah respect and humility should be automatic but it no work so inna my breakfront! It's not the position or title that inspires the afore-mentioned but the individual in the position that inspires and earns such accolades. Some a dem a gwaan like seh dem meat can eat and a one ting me know, when we dead di whole a wi ago stink! Anno like seh managers will be preserved an others will rot. Nuff a dem love come a work come talk down to people and dem cyaan talk to dem pickney a dem yaad so, much less dem husband or dem wife! Nuff a dem a live some life worse than the people dem who them deem 'beneath' them. Nuff a dem no happy and come tek out them frustration pon people a work because they can and in a last ditch attempt to feel good about dem sad self!

Those managers that are guilty need to understand that such a position can be made vacant at anytime and be filled instantly. Today you're a top-a-top and tomorrow yuh a pack yuh box. Some a dem need fi go ask some top bankers and top managers of billion dollar companies who was replaced in the wink of an eye.

embar**** workers

Nuff a dem a manager fi some likkle company an a gwaan like dem work inna di White House or dem manage the World Bank! A wah do dem?! An all when dem a do dat their day will come when they must step down by will or by force. Fidel Castro can tell dem bout dat!

Some managers need to understand that they too collect a salary and dem name don't resemble that of the owner and they can be removed and replaced at anytime. Nuff a dem love walk round wid bunch a key, or talk loud to be seen or always stating that they are in charge. Some embar**** workers in front of other staff or customers when it is totally uncalled for or unecessary. Some of them refuse to take responsibility when something goes wrong and tell lie pon dem subordinate to escape punishment. Some a dem neva give a kind or motivational word and even have the audacity to take credit for work or an idea in which they had no input. Yet when di real big man or big woman come bout dem a scurry roun like headless chickens and realise that they are not so big a deal after all and sometimes get a taste a dem own medicine.

Every human being has a function and should be treated with respect. If an employee is not fulfilling his/her responsibility he/she should be reprimanded because no successful enterprise can operate as a free-for- all. Similarly the workers must be respected and treated as assets to the company because succesful companies rely on human resources. Some persons entire existence is encapsulated in their 'manager' title to the point where some a dem introduce themself as manager of so an so before them tell yuh dem name! It matters not what is before or behind your name because human beings all are we. Mek wi live good and use the positions we've been given to inspire lives in a positive way and leave an indelible mark on society. We all have our entrance and exit and when you are no longer 'manager' what legacy shall you leave behind?

Topic: YES MISSA MANIGAH !!!