Sunday Callaloo and Banana - Beenie Booed at Champions



People, no long ting, mi ah get a one hour and dem mi a write this fast and go back to mi bed. Mi will ketch up wid you inna the evening. Mi have some suss from Renaissance ting last night and some other things weh mi no quite memba now. Mi get Kartel new song and everybody ah talk bout it in the streets, mi all hear say Killer call up Kedine from Havendale and ah cuss her. Lata

WAR VIBE AT CHAMPIONS
Champions was mad this morning, Bounty Killer and Mavado go hard over Jamworld fi get the forward dem and dem mash up the place with hits after hits and tunes after tunes. Killer especially come in like him resurgent since Sumfest and that means say Mavado haffi go tek a back seat because the Killer intro dem a sting. The man mek the people dem laugh when him say him never know say vampire can come outta day and him say a bagga tings, ah true mi tired mi no memba everything. Beenie Man and Kartel work together and dem gwaan wid pure niceness, Kartel get some major forward over de, the whole place quake when dem a perform, mi ah wonder if that is the rehearsal fi Beenie Sizzle next week, dem never do much word-throwing and name calling, but dem gwaan good and mi hear some Alliance fans ah boo, mi no know if a tired dem tired and waan see Killa so dem can go home or what, but ah dat happen. When him try advertise Beenie Sizzle, the boo dem only get louder, but ah so Jamaican people stay, the show ah go mad next week and mi hear say him have a new song ah diss up the Killa that him ah go drop soon right in time fi the show. Flippa Mafia declare say this ah the last time him ah go dash weh money and that him ah go establish the Flippa Mafia charity and all these things because him realize say people ah fight over the money and ah injure demselves so ah different ting. Him get a good forward too. Sizzla ting lame up, but Capleton gwaan good.