BOUNTY KILLER REMIXES BOOK BOOK BOOK
Mi hear say Bounty Killer remix him big single, Book Book Book because it relevant in these times when the little young girl dem a walk and ah sell dem front downtown fi $600, and the shotters dem caan read but dem can pull down dem gun and put it up back inna three minutes flat. Bounty Killer, mi know say mi cuss yu more time, but mi haffi applaud yu fi da one ya, the remix sick, as soon as mi get a copy, mi ah go email Claude and mek him fling it up pon the website.

NO CHARLIE BLAX FOR MOBAY HIGH SCHOOL
What does the Mobay High school have against the artiste Charlie Blaxx? A fete was planned for the school next month but we understand that Timmi Burrell, and some other sounds dem did bill fi the show too, but now everybody haffi go 'bill' because the teachers dem do some research pon Charlie Blax and realize say 'oh, ah him a buddy buddy buddy man...not in our school'. Yu know how dem goody goody teacher de can gwaan. so the show cancelled, ah just so the ting set, like Papcaan say, it nah go work.

MAN GET BOXED UP AT LUCIANO'S HOUSE
Mi watch a news item pon Television Jamaica last night, and mi see soldiers ah slap up a man claiming to be a musician in the face. The man get a proper bax but it wasn't no loudas like wah Norris Man or Foota Hype get. The man probably deserve it because mi see him inna one big verbal clash with a female police sergeant and ah talk some terrible things about the police and how ah music him ah do and a bagga tings, till the woman haffi say 'is a mad man this?'. Dem deal wid the man billias, another soldier who intervened pulled a baton from a policeman and knocked the man on the head. The man did cross the police tape near the St Andrew studio of entertainer Luciano following a shoot-out between the police and a gunman at the artiste's home.


SIZZLA'S BENZ GET DENTED IN NEGRIL
Why Sizzla house bun down the other day? People ah say ah reaction fi the beating that a yute name Escortion aka Ryan from Negril get two weeks ago. Mi hear say Escortion reverse out him car, one Bluebird from 1972, and lick Sizzla benz, BRAM, right outta the Burger King inna Negril. After the man collide wid Sizzla and mi hear say a Bobo hold him, and say 'wah yu waan do bwoy? Kill Dada like how dem kill Bob Marley', and ah pure lick, KUFF, KAFF, KWEF, ah Sizzla haffi run out and say 'no no no' and ah so him get way. People ah say the Bluebird caan even buy the Benz bumper, him lucky.


PEOPLE WAAN FI KNOW...
Who beat Mr. Perfect at IRIE Jamboree a few years ago?

Which selectors ah go round and a spread dem STD like a cold virus pon the subway in the middle of winter?                                                 
If Mark Pinnock really dun wid the business and him love the music so much? What a pity. But mi hear Konshens big up him up the other day at the award show, so mi no know.