HOT MESS - Flat Belly Contest


0 Comment written below
Yes mi people it's your girl Shari, I-R-ERE not really feeling well you know because one of my friends mother suffered a heart attack last night and almost died. Anyways thank goodness quick action by the Doctors saved her, and is only because them have two shilling why dem wuk so fast. But thanks to dem anyways and mi prayers are with you OK, Mama D. Mi spirit kinda dampened but a we seh HOT MESS duh so here comes trouble.

:: NIKK-Z & D'ANGEL FLAT BELLY RACE

Yesterday someone from management call me and tell me about this new thing a happen. Mi hear seh Nikki-Z and D'Angel inna flat belly contest. Di two a dem deh a gym now and wuk out dem tripe, cause mi hear seh bet place fi see who fah belly can look flatter by Christmas. Who nah starve demself mi hear ah drink so-so water. All mi have fi seh is mek sure oonu nuh come a road wid flat belly and go faint from starvation. By the way Mr. Radio station owner sir, you nuh plan fi put back the Z on the radio anytime soon and tek off that pop-dung dead flowers weh a annoy di people wid har bag a techno. Mi hear oonu losing listeners like wow! but then again a fi yuh station.

:: NATURAL BRIDGE UP AND LIVE

Rumour have it fi seh that Natural Bridge studio lock down, well so mi hear one website a seh. But mi get fi understand seh the boss call someone from our management and tell them seh nothing like that. Him just a do some restructuring while him cool out a farin. Cause money a mek, Oh by the way Mr. Website owner sir mi nuh have nothing gainst oonu but mi hear seh the Natural Boss on his return will have a few choice words for oonu.. wat a preke.

:: 9 MONTHS-OLD BABY SODOMIZED

Everyday mi listen di news mi tink it cyaah get nuh worse and dem never fail fi surprise me. People oonu hear bout the male relative weh sodomize him sister 9 months-old baby and kill the pickney. Mi get fi understand seh the mada deh a prison fi drugs and one bag a ting happen and the pickney end up inna the other sister and bredda care. How yuh fi see a likkle pickney weh cyaah even talk and tink bout do something like that to the child. You see yuh dutty man weh do that, memba mi tell yuh GOD nah sleep and yuh pusnishment ago wicked and mi nuh care weh nobody wah seh. Even though mi is a woman mi will neva fren a fish or a rapist mi tell oonu already, Jamaica nuh wah see oonu... wid oonu dutty life....kaboom.

:: RAS TINGLE GET BEAT UP

Wah really gwaan wah day yah mek the Asylum security beat up Ras Tingle, Asylum ah mi place but it nuh look good. Ooonu cyaah kuff, kaff kweff di big big director ova foolishness suh. Mi know him wuk fi a company weh a build one club side a oonu fi compete but a nuh fi him fault the man just a duh him job and a cover him artiste Zagga performance. Anyways mi wah know wah ago come outta this ...if smaddy haffi go pay some money and all these things. Tingle a hope yuh mouth get betta soon yuh hear.

:: MR EASY NEW VIDEO HOT

Singer mi glimpse director Nordia Rose a edit the big video weh yuh shoot pon Stephen Day Rave Riddim wah day yah, mi nah lie it HOT. Jamaica nuh good again when it drop plus mi hear bout the Africa tour and all these things weh a come up. So who ago get it fuss, Mi a put my money pon 876radio and then Anthony Miller. Weh yuh seh Mr Easy, gangsta nuh walk wid screw pon face a sum'ting new pon waist.

:: QUESTION TIME

- A wah Beenie Man duh fi beat di tax case? Mi hear how yuh bawl out Jah Rastafari after yuh seh Thank yuh GOD.

- Who ago win Rising Star? Cameal or Khalil. Oonu tink a woman can win this time mek mi know?

- A which Party mi hear seh Darkcide guh bun dung and after dem left it pop dung?

- Who and Who ago war a STING this year?