Tuesday Coffee -- Lorna Bleaches Buju's Clothes in Babymama Drama

22 Jul 2008 | by Abena, Freelance Writer

Well di weekend did really bashy mi floss mi floss mi floss....RICH N HAPPY WE SAY like DJ Flamez...mi floss cause one876 ah mi boss! Bere tings gwaan a Montego Bay, the second city, Lilliput, Flankers, Gully, the world is mine.First off mi wa bigg up mi new found fren dem...Coral Cliff crew unno ting sort out..Margaritaville mi still caa get ova how mi good good ponytail drop off when mi a come down unno wata slide woieeeeeee, mi side mi back mi front. Big up the Iberia Star massive unno deal wid mi good nuff blessings.Unno was di ongle one who would accommodate Ninja Man and him brood of 25 pickinnini dem . Holiday Inn kings and queens unno did have Busy and Elephant Man unno a di bosses. To mi cousin Sharee who work a Half Moon thanks fi di day pass dem caa mi woulda neva get fi ketch di met wey was a gwan ova deh enuh. To the chef dem a Pelican di ackee and saltfish did set rite, di liver and banana did soft like cloud. If mi figet anybody mi sorry a nex time. Mi back in Kingston and ready fi sort out the artiste dem and dem dutty life, ready fi it Jamaica? This is Abena and the coffee is coming to you black and strong and piping hot, just the way you like it, right, one876 girls?

BUJU'S BABY MAMMA DRAMA

Wha dat mi hear Lorna gwaan wid up ah the Stony Hill house the other day? Crazy bleach on expensive clothes and all these things, mi hear say the gardener did forced fi let her in because she would not be denied and she just whisk go up inna the house and start disc****obulate everything. What a stress! She gwaan wid a bagga tings and then cut before the police come. Mi ah wonder why Lorna get so cross pon Buju and dem so much in love and have so many children together. She ah him good good babymother and all these things. Ah she him sing about in Hey Lorna the song featuring Wayne Wonder and in the famous browning song, memba the line: Dem a plan and dem a con and dem a scheme/'Cause dem waan mash up we and mi browning/But all the rumors dem a spread, anna pack up her head/My Lorna not listening/'Cause you know when she alone, ah mi must come back home/To her inna de evening.

FASHION ROUNDUP AT SUMFEST, WHO WAS HOT?
Well di fashion did off di chain at Sumfest. Mi love how di people dem come out inna dem best. Well Macka di look hot in har suit shi can get a clap clap. Dangel can get a round of applause Nis Lis sot har out propa, shi shoulda did sort out Angel performance to heheh! Danielle yuh jumpsuit did MADDDDDDDD! Kartel full white was hot mi did a wonda at first bout di fur hat and fur coat ting inna di big big summa but it was real gangsta like di suit Denzel did wear inna di American Gangsta movie, and him have the Vybz Rum inna him hand an all these tings.


Black Ryno black vest ting was a good c****o him song pon Workout a di sickest ting fi di summa, my boyfren haffi tell mi fi ben ova. Brick and Lace unno di gwaAn wid a nice likkle uptown dressin that was hot mi nah lie. Carlton Brown was the designer of the whole festival, him sort out Voice Mail, Demarco, Serani and Busy especially did sold right off . Is how yuh soh hot mi fren?
Now the Warlord was lookin real militant in him Rameesh Wear, di bling bling did set right..di warlord di sey look like people was a tek him fi fool when him leggo di black soh him did haffi ressurect it again fi all of the haters. Hold that haters!!! WOOOIEEEEEEEEEE!!!! Mavado yuh and yuh choir did have di place a way inna unno full white, Overcome, yes dat mi sey! Lust had mi lusting afta dem, dem did look and soun smooth like silk. Mi see Sophia Brown stand up inna one sexy shorts beside Akon before the girls dem rush the big star, mi waan see how she ah go dress fi Summer Sizzle this year. Mi sorry mi no have no pictures, the cameraman Nick computer go crash so we pap down. Claude Mills, sort out the ting.

FLAWLESS IS MS. LONELY
Is how Bounty girl Flawless from New York deh a Sumfest by harself, no Bounty around her? Is wah gwan??? Unno done? Finish wa?? Email me, text me, hit me on my sidekick. Is wah really go down? From mi see yu pon one876 ah pose up pose up wid Beenie, Bounty distance yuh or what? A wonda wa yuh My Space page a go sey now?? A weak hehehe. Mi body! Mi parts! WHOIIIEEE. Barbie*****, tell me what is going down!

MILK FLOWS ALL OVER SUMFEST

Some Mr. or Mrs. Bad Mind a try stop mi girl Milk flow but she did eva on the go hot and cute down a Sumfest shi nuh stop tek pickchah wid people an sign autograph. Shi did well have up har owna cottage at the very expensive Half Moon hotel She have a racing golf kart fi carry her around and she was brushing shoulders wid the rich and famous. Can someone say BET??? A bere links shi a mek. Busy all took time out fi big har up during his performance. Gwaan girl dem caa stop yuh flow mi ongle wish sey di people dem wey yuh work wid woulda move more supportive of yuh an di candy girl.

PEOPLE WAAN FI KNOW
Tami Chynn and Wayne Marshall seem to be more in love dan di las time mi glimpse dem at him b day ova Indies Pub.

Don and Alaine mi glad fi si sey unno nah hide now it was a get a bit tyad fa real. Mi hear say Kartel have a mad tune name Million By a Morning pon yu new riddim. Yu rich again?!

Isn't it amazing how some people a exercise everyday ana get fit but still a get di most bun inna di bizniz unda di quiet??? A nuh me sey soh a di streets.

Where is Jovi Rockwell dese days??? Wa she nah rockwell again??

Is how Red Bull did a go soooooooooo HARD wid dem skybox/building??? All AKon did haffi tek a jump offa it. Is dere soh mi watch di show Saturday Night, mi did have a bird's eye view of Beres fah real up deh. Big up Mitch and di red bull crew. A wonda wa unno have plan fi RTI caa mi deh deh pon mi teet wid unno. Just send ma pass dem as per usual. RTI have all di bes party dem . Red Stripe unno can sen on mi pass dem to.

Why did Come Video Me not put up the usual poster size pickchah of dem Entertainment people dem at Sumfest inna dem booth? Is wah ?? Shame dem shame of the two "IT" girls dem?? Dem was surely missed.