HOT MESS - Friday Edition

BOUNTY GETS B****RUSHED

yes yes mi deh yah again ..thank yuh lawd is Friday..and a Hot Mess we seh. People mi nah lie mi love how Bounty just start relax from wah day yah and stop bend up him face. Mi seh mi deh a Asylum well stush and all these things and see the Grung Gad a perform and one bag a gyal start scream and b****rush the stage grab on pon di man and draw him offa it. When mi see dat mi seh oh GOD di batta ears dem ago kill him now ...di security dem run in fi try save him and Killa just surface out of nowhere and run weh di man dem and seh leave the gyal dem mek dem enjoy demselves wid a big grin pon him face.

ZJ LIQUID THREATS

A who really a threaten di zip jock a wah.... dem bex seh dem neva get none a di action, people a seh a Milk send man go page the DJ, but mi doubt it very much dat just come in like a straight badmind or some wannabe artiste weh him neva play dem song a look revenge. Anyways Big up Milk same way thank goodness mi Lactose Intolerant so nobady nah go ever ketch mi a Milk nothing .....

DEATH OF THE DOLLY

Mi hear seh since the accident people a seh the Dolly dead, but har publicist seh a lie dem a tell, she doing just fine and suppose to come a road sometime today, but a nuh dat we really wah know ..we want to know what is the status of the Little one dat dem keeping a Big Secret, mi warm dem already seh the secret ago bruk out like soar foot watch and see anyways Prodigal di people dem wah know wah really happen wid yuh and wifey why di dolly house mash up .....wooieeeeeeee mi gone yah people go good up good up fi SNOW WHITE later.