Mi come in from Ochey last night and ah read Hot Mess on that other website and mi just start laugh, dem no know say Abena run the world, dem a boast 'bout exclusive and dem still a try copy mi style. Who dem a call not so credible, and dem nuh stop buss apology? All when mi get information from my sources and nuh get confirmation, mi  ah mek people know she it nuh confirm, mi nuh tek back no talk, tell dem fi go look a life, ah fun and happiness we say, how dem so worried about we? Oonu need fi go pray. And dem need fi stop talk about visa 'cause we never buck dem up inna airport pon Friday yet. Ah yah so it done, we nah mention dem no more, no matter wah dem seh. Big up mi babyfather anywhere him de, even though the child support payments dem late more time, me love how yu always on time fi school, swimming, rehearsals and sports events.

MAVADO'S CASE RE-OPENED?
Mi inna mi hotel room ah watch CVM News on Saturday night when mi see say Mavado ah lead the newscast. Mi shock when mi see the bigger heads inna the police force ah talk about the man like him is a major criminal and how they are going to be tracking down the witnesses overseas so that they can prosecute the case. It makes you wonder if a style dem a try style the deejay, or if dem really have a bonafide case against them. Boy,it look sticky pon the Alliance right about now.

BEENIE MASHES UP CVM ONSTAGE
Big up the Doctor who was in the house, alongside his former amor, Dancehall Queen Carlene, ah talk up a bagga tings. One ah the time Carlene call him the King of Reggae, that supposed to piss off the Marleys dem further. Beenie also announced that he would be keeping Beenie Sizzle later this year. Who ah tell lie now? Ah me first buss da story de, go chuck off down a wharf. Weh dem feel like?

MILK CAUSES FALL IN MURDER RATE?

Well, in a week in which the murder spree tek a break, we have to give the credit where credit is due for the reduction in crime, and (drum roll please) the award goes to Milk. Yea, not Colonel Trevor McMillan or the man with the adverb fi a first name. No, we have to give it to Milk, she have everybody feeling for a little sumpen sumpen this week with her crazy skills, and so the shotter dem come offa the road fi a minute. Don't be surprised if there is a sudden surge in births around nine months from now. Gwaan Milk, RAEE!!! Yu a go back to work this morning, wah do wretch in hell, dem fi talk up because nothing else no lef fi tell, mek dem know!

TEFLON TO THE WORLD
Mi love how Teflon ah drop it, right now, the song name 'Tings Dem' ah bubble pon all the major charts dem, and mi hear say him confirmed fi perform in Italy at the Rototom Reggae Sunsplash festival inna July. We love how yu management team look, Janet Edwards, yu large, Heather, yu a pilot the ship, Supa Hype, ah you govern the road.

SOPHIA BROWN DOES ARIZONA, HITS UK CHARTS
What a way Sophia Brown gwaan good inna dem two show de ah Arizona. The first one pull in 600 people inna Tucson and the other one, even though it did smaller, still gwaan good. We love how Sophia Brown ah push her career to the next level, ah now dem caan chat to her, worse her song now in the top 20 of the UK reggae charts.

THE PEOPLE WAAN FI KNOW
If Wet Wet did gwaan good over Spanish Town because nuff people did fraid fi go after the police raid the big dance on Tuesday night and detain about 100 plus people?

If Junior Reid and Buju Banton caan just bury the hatchet? And not in each other, please. No more *lo**shed.

Why dem a try scandal Angel about the videoman ah look under her? Some perverts fi go wey roun ere.