MILKY ONE'S SEXY VIDEO FOOTAGE ROCKS KINGSTON
The whole ah the Corporate Area ah talk 'bout the video weh ah circulate hard wid a certain well know TV personality and a certain popular disc jock. But me finally see it last night when mi girlfriend Bluetooth it to mi phone and jah know, my girl deal wid it a way, some woman affi go tek notes or use it as a training video on how to be the perfect wife. Still, mi no understand what the big scandal is for, ah several years the two ah dem de, and the video do from about 2005 so what's the big deal? It happen inna dem owna bedroom and everybody know say the Milky One nuh ramp fi sort out her man. So wha the big deal? But it kinda suspicious how it just leak out at this time, it come in like she have nuff enemy out there, or maybe is true she de back wid the big man mek her enemies decide fi try destroy her. But dem say when yu a dig a hole, dig two, and the Milky One is a survivor, memba dat!

BOUNTY FOR ASYLUM PERFORMANCE
Bounty_Killer.jpgMi hear say the Cross, Angry and Miserable one will be holding centrestage at the Asylum nightclub later this week, and the show will be held on his birthday. The club supposed to ram that night, but right now, me hear nuff man ah pree the ting and say dem caan afford fi spend $2,000 fi go the bikini party, but dem no understand say is a plan Bounty and him friend dem have, dem waan all the girls to themselves. Bounty mussi ah look a new browning fi the Summer, Alliance in the building!

GHETTO LINXX PRODUCTIONS TO THE WORLD

There is a new force rising in the music industry - Ghetto Linxx. Remember Kirk, Idonia's manager who everybody thought was his brother? Yea, well, since him and Idonia split, him tek time fi build something fi himself, him have him owna studio and production house and him have some sick thing him a drop fi the Summer. Him also a manage a yute name Khaos who mad! The streets dem say him ah the D-d-d-donia. Big up Kirk, ghetto yutes ah rise and dem caan stop it.

SUNDAY WAS BUSY, MONEY ON SUNDAYS SELL RIGHT OFF
Yo, yesterday was mad, first me and mi girlfriends dem end up over HYPE TV ting over Lime Cay, and then inna the night we go Passion Sundays, then check out Macka Diamond's Money O Sundays outta Old Harbour before we end the night at Prendy's. Mi not even get teh chance fi go Lena British ting over Plymouth Avenue inna Millsborough. The way mi tired, mi just a write a quick thing, then go back ah mi bed go hold a meds. Mi wi tell yu bout it later.

THE PEOPLE WAAN FI KNOW...
Who is Sparkles, and Ian Money Muss and all these things? Why dem and Scratchy B inna tings?

If is true say Red Stripe nah sponsor the annual Negril parties this year? No RTI?

When Beenie Man court case ah go done? Dem a drag it out and stifle mi deejay?

Who ah lead pon the Estrogen riddim? Timbaland, Queen Paula, Tifa or Stacious?

When Mark Ward plan fi step up the promotion pon him new riddim?