Beenie Man bredda deh pon rape charge

Bwoy what a way Beenie Man name can call up. All when him huh do nutten him name get inna di mix a tings. One a him bredda now before di courts fi rape cause him rape him odda bredda girlfriend. But a wha kinda wutless living dat dough eeh. Anyway yuh look at it him double wrong. Yuh wrong fi teck whey people nuh gi yuh and it wuss when a yuh owna bredda tings yuh a pouch pon.

YardFlex undastan sey inna 2004, she guh a di house and har boyfriend go out and she go drop a sleep. She feel like smady a caress har and she tink a fi har boyfriend. before she know it di odda bredda done inna three minutes...di case deh before di court...we wi tell yuh more

------------------------------

But a wha di big singer really a galang wid. It look like him is a real rolling stone. Fus, him lef yaad a follow back-a wifey gaawn a foreign, den it look like di dolly house bruck down, him run come back a yaad, buy big vehicle and claim seh him a producer. We see him di odda day and him mawga dung to skin and bone. Two tings we haffi tell him: when you a lick chalice hard you need fi eat good food, and second, you need fi tek you career serious and get a manager and while yuh at it fling in a publicist tuh!