DEVA BRAT LOCKED DOWN TILL AFTER SPRING BREAK
Why Deva Bratt nah touch the road till March 27th? The whole ah Portmore shock 'bout the ting. Mi hear say him neva get bail because of the second charge of carnal abuse wah him de pon, so the judge just remand him inna custody till dem time deh. Look how the man tune Gussie Clarke ah shot pon HYPE TV and the man de a prison and caan see the glory. Mi hear say him ah gwaan hold it inna prison as best as him can, him ah deejay and hold concert and dem tings de and keep him mind sharp and him spirits up. But bwoy, the ting look sticky.

MIA JAE'S $50,000 STROLLER
Mi ah do mi hair last week up a Manor Park inna Sean Paul sister-in-law parlour when Mia Jae start complain how much Liquid cheap because him neva waan buy her the $50,000 stroller she want inna Answer's. Right now, mi affi wonder if Mia Jae no memba say Liquid have other babies on the way, she need fi ease down and slow up her roll and mek the man play him role without the stress. But stick a pin, New York, mi hear say the crib not even cost $50,000, it drop inna the 30 range, heh heh! Is a hustling ting? Why some girl so hype and shallow? Dem give the real woman dem bad name, memba.

DANIELLE FOR LEWD SHOW
What a way Danielle career tek off. Mi hear say she de pon a series of show inna  March, first she ah go Negril on Spring Break on March 8, then she have a show ah James Bond Beach alongside Tessanne Chin called LEWD, and then a final show wid Rik Ross on March 23rd inna Montego Bay. Right now, she de ah England gone look for the love of her life, reggae boyz baller Ricardo Fuller. A wah dis? Dem mussi tink say dem a Beckham and Spice, murda.

LOOK OUT FOR THE....
Reggae Academy awards this Sunday, February 24th, and 'Up Close and Personal' with D'Angel and Friends on February 23.

BIG UPS
Bigup Teflon's birthday party that keep last week inna St.Mary and big up him Yard a Love productions, some new riddim ah roll out this year. Big up Stampede, him a lock the street wid the hottest artiste and him chart inna the XNews sell off. Big up the artiste Rock Supreme, mi hear Boyd pull up yu tune wid Jarvis Church, Just Like That rail up five time inna Asylum last night.