>
From Left: Bounty Killer, Courtney John, Ini Kamoze, Deva Bratt and Vybz Kartel

BOUNTY KILLER SUNDAY AH GO HARD

How the Warlord ah go so hard? Him have an event name offa him over Backto (Majestic Gardens) now. The other night, Firelinks over de ah gwaan wid a bag a tings. Ele inna the dance, Killa inna the dance, and Harry Toddler inna the dance. Killa de one side, Toddler de one side, and Ele inna the middle, but all dem a gwaan, ah Toddler have the hot tune so Doan Run In. Ele and Killa not even hot like Nuffy who ah get crazy airplay pon the radio. Killa ah the big man but him need some more real hits. And nuh 'run in' pon who a gwaan wid a ting

EMPIRE PARTY SELL OFF AT AMNESIA

The Vybz Rum Party hosted by the Portmore Empire at the Amnesia Nightclub sell off! The people dem haffi turn back people the way it ram, police haffi pull dem firearm fi control the crowd. CP Inc., Teflon, Twin of Twins, Deva Bratt, Flawless, Blak Ryno, Shawn Storm, Earthworm, Avalanche out de wid the Teacha. Every minute the girls dem a drag Kartel offstage, dem grab off him D&G glasses, and fight over it and mash it up, the girls dem almost pull off the man shoes and ah grab him up all over him body. The way Kartel fras under the Vybz Rum, him start talk up a bag a tings on the stage weh mi nah go repeat, but the man big up the Warlord, Bounty Killer, as the man who buss him. Empire ah go hard.

INI KAMOZE TO LAUNCH 51-50 RULES

After mashing up 'Rebel Salute', Ini Kamoze is working on the finishing touches of his new album which will be launched in March. Yu see how Ini deal wid 'Rebel Salute' wicked? Him go fi mad dem wid drum and bass and performance over de inna him full black suit and darkers. Him ah the real hotstepper.

CAUSION DROPS ALBUM

Speaking of launches, Causion launched his album Stella's Kids this month in Florida. Ah pure top-a-de-top people come ah the ting, Third World bass guitarist Richie Daley, Consul General Ian Sweeney, and Causion buss the place with Red Red, Gwaan So and the controversial hit song, Little Secrets. The man ah get crazy play pon the radio out here, and it look like VP Records have a hit album pon dem hand.

DEVA BRATT HITS HYPE TV CHART

Deva Bratt ting sell off now. The man song, Gussie Clarke, weh de pon the same riddim as Erup's Click My Finger, just hit the HYPE TV charts this week at #19. When him ah go do the video fi the song? See Harry Toddler run gone do fi him own already! Right now, Truck Back ah lead wid the hottest riddim outta road. Him also have a tune name Wurt It Gyal on the 'Premiere' riddim, a NEERG Music production wey ah go hard.

WHO WAS HOT AT IRIE FM AWARDS?

Next topic is the dressing that the artiste put on at the IRIE FM awards last week. Mi did expect to see some more stylish dressing from everybody. Mi see Bar-Bee inna her one black dress. And D'Angel received an award last year for best-dressed female so mi did expect that she was going to go all out, but she never bring it, she look too casual for the occasion. Spice never look good wearing a frumpy dress that mek she look like she still pregnant. Macka's dress was a mess, she need fi spend a money and hire a stylist, mi no really waan hate, but that is the Gospel truth. Cherine looked OK, really sweet, but the best dressed was Cecile, yea style over fashion, ah that mi say, because whenever you have a great sense of style, yu always ah occur.

AMNESIA CLUB ROBBED

Who really go rob the gate at the Amnesia club the other night after Bounty Killer dem go de go perform? Yo, wha happen to security Rambo and dem tings de? Kartel keep him show and nobody no violate so how that fi gwaan?

COURTNEY JOHN GETS TWO IRIE NOMINATIONS

Big up Courtney John, the whole ah Portmore ah cheer fi yu. Yu get two nominations from IRIE this year, one for Male Singer of the Year and another for Album of the Year for Unselfish, and plus him get nominate as Singer of the Year inna the EME awards that ah keep at Pegasus.

QUESTION TIME

How Nikki Z programme suh hot a mornin' time? Mi sey Nikki Z a mi best fren wen she deh pon or off radio.

How the Spice girls dem gwaan so terrible over Bounty Killer Sunday? Dem all up inna the video light, dem tek it. But why the Backto girls dem invade the bar when Ele say drinks free fi all the ladies? It neva look good at all, at all.

Ah true say Scare Dem reunion could a gwaan wid Ele, b***booo Dandimite, Toddler and Kutchie?

How Danielle ah say 'mi no bow inna devotion, Michelle go do it' inna her new remix song wid Kartel? Ah which Michelle she a talk?

How the back of Skatta car run up inna the parked car inna HWT?

How Bogle Memorial full up ah hype people so?

And wat happen to di million wey put up fi information? A wat, nuh baddy nuh know nuttin bout di danca death?

What a way the money-spenders dem roll out fi PJ British party at La Roose last Friday?

How Lutan Fyah ah give back to him community so hard? The man buy up crazy gears fi him football team, Deacon Hill, that a play Division II this year.

How Richie B EME awards step so? It ah come pon CVM, plus it ah keep at the Gardens of the Pegasus. The other awards dem haffi go step up dem pace fi keep up wid EME.

How Kartel and Spice no de pon Spectrum but Mavado and Sizzla de pon it? Ah discriminate dem a discriminate against Portmore artistes?

Which party did hotter? Candice or Milk? Dem always a compete down a the station, but mi haffi gi the props to Milk, fi har party did have more star like Mavado and Lady Saw.