Portmore, wah do some dutty people? No bwoy caan beat me like how Ike did beat Tina Turner. Yu ready?

BATTLE OF THE B'S FOR

FLAWLESS

Why di 'Doc' won't leave 'Mr. Cross' woman dem alone? This girl mi hear everybody ah talk 'bout name Flawless ah dance up wid di 'Doc' ah Jagga B dance, and him have her soft to and a gwaan wid bear tings wid har when him know say ah the 'Mr. Cross' woman. How di 'Doc' so troublesome? All mi know is that this flawless girl ... when di angry one done with she ... she is not going to be so 'flawless' at all. Ah dat mi say!

NUFFY TAKES UP THE ARTISTE TING

Mi no know wah Nuffy a deal wid but it look like him ah tek up the artiste ting wicked this year. mi hear say him do tune wid Ancient Monarchy pon the Top Corner riddim, the same one weh him already have a tune name On the Corner. Mi hear him inna Asylum ah run off him mouth bout say Nordia Rose ah go do him video and him no waan no local gal inna it. How Nuffy so hype and he no have a hit tune yet?

DEVA BRATT GOES TO CAYMAN

How Deva Bratt career look like it ah go tek off so? Him fly go Cayman Islands this week fi perform at a dance and ah pure sitten sitten gwaan over de. The man tune, Gussie Clarke and Bundle a Gal a play hard over deH, and the way it look, is like a fi him time fi rise inna the new year. The man not even a call up Munga name more than so again, the man ah pree hit tune.

FINGERPRINT AND BRITISH VISA

Wah dis mi a hear? All visitors to Britain requiring visas will have to be fingerprinted. Everybody fingerprints ah go get check against a database of more than one million people weh dem have already. No more identity fraud ting caan gwaan but dem a mek it stickier fi we leave the island now.

IRIE FM vs IRIE TV IN NEW YORK

What is going on? Grove Broadcasting who deal wid IRIE radio say is copyright infringement and dem ting de a gwaan wid dem Irie mark and name wid de foreign people dem. Mi hear say the lawyers dem about to get involve, so mi ah gwaan watch fi see what a gwaan.

ROACH SAY DON TOO BAD MIND

Roach say him and Kartel deh a Don house one day

when him say an overseas record producer call him and say "Roach, I did not know ....was so bad mind, he told me not to take your rhythm, but your rhythm is wicked man, I love it". Roach asked him to repeat himself and hand the phone to Kartel and him hear fi himself weh the man say. So, mi no know, it come in like ....on really bad mind if wha Roach say is true. Dem need fi gi the young producer dem a chance and stop sell out the music!

RISE OF BLACK DIAMOND

How the Black Diamond label ah go so hard wid the talented yute dem from Hamilton Gardens and Gregory Park? Dem sign a yute name Dre Don from over Hamilton and the yute wicked, dem say ah the next big ting, mi hear Mighty Mike ah give crazy airplay from wah day ya. Dre Don to the world!

QUESTION TIME

How the RM girls look so good? Mi nah tell no lie, the whole ah dem pretty and can dress.

How Chuck Fenda I'm So Hot' a guh suh hard pon di Premiere Riddim? Dis look like Fenda first hit fi di year.

Trilla Kid, mi hear say dem a try frame yu but just hold it my yute, mi know say yu is a yute weh love yu pickney dem. This year ah your year, Put Away the Bombs ah go hit. Yu nuh see how much *lo** a shed?

Milk, where is the barbee phone we see yu a model wid from wah day ya? The people dem come back fi dem phone?

How the people dem get so cross, angry and miserable since dem caan get dem Cash Plus money again till March?

How so much man ah dead ah Gregory Park over borderline? Yu nuh hear Tyrical say 'we no waan no more guerilla war'.

How Poochie kinda drop offa the scene and Alicia Face Off still ah go so hard? Mi no stop see Alicia pon mi 50 ah advertise dance. Her ting well sort out.

Why Beenie run gone a Africa? Is a new girl him gone wid? Still, we love how the Doctor ah deal with a positive vibration fi the 2000 and love by going back to the Motherland.

Why 100 Lane and 85 man inna war from wah day ya?

How Liquid inna so much passa passa from wah day? Mi hear say him ah get a month leave fi deal wid the birth of his two kids in March, Renee ah go foreign go have hers, and Mia Jae ah go have hers out here. Liquid ah try be the best baby father in Jamaica. What a stress!