Yo, people ah ask just what a gwaan round the Empire, if is the guzzum ting get outta hand or what, because see it de, some man fling stone inna the big man van, then Nuclear get shot, and then him car crash on the way to the hospital, then Craig Dennis, who used to spar nuff wid the Empire, go drop out inna one bike accident, and ah jus pure saltness ah gwaan star. The man dem need fi tek a wash off and rally back pon the music again.

NO BAIL FOR FOOTA HYPE
Why Foota Hype no get bail yet? This charge look serious, right now, mi worried 'bout it. The man must have nuff shows planned and a lose nuff mouney but ah so the ting go yah Foota, gwaan hold fi faith.

COCOA TEA IS THE MAN
Cocoa Tea is the man, before the foolishness go down with Norris Man and Sizzla,ah him tek the show, just a little after midnight, every show the man go pon, him mash it up, right now, him ah one of the giants in the business.

BEENIE HANDS OUT BARBEE FLYERS
Mi tell yu, mi haffi rate Beenie Man, him no easy at all. The man was at the Ocho Rios Seafood Festival ah hand out Barbee flyers and ah promote him new single, Give It Up, while him wife de backstage ah wait fi perform.  Him love the eediat ting, eh? But mi haffi tek mi hat off to Angel, she brave, everybody did feel sorry fi her, but she go out de and do her ting and represent well. Right now, Beenie de ah Cayman fi perform, and Angel is there too. Who knows? Ole fire stick ketch quick, right?